بعيد أسابيع من الانتخابات النيابية المنتظرة المفترض اجراؤها إثر 9 سنوات من الغياب عن اختيار اللبنانيين لممثليهم، لم يتوصل الافرقاء السياسيون بعد لقانون انتخابي حديث يلبي تطلعات الشعب اللبناني الطامح للتغيير.
ولهذه الأسباب تنشط مواقع التواصل الاجتماعي في المطالبات بتأمين قانون انتخابي عادل وليس ” #قانون_عقياسو ” حسب هاشتاغ نشط في لبنان وحظي بمشاركة واسعة بعد ان اطلقه ناشطون عبر “تويتر” و”فيسبوك” كما أصبح الأكثر تداولاً في لبنان.
الناشط طارق ابو صالح @tarekabousaleh3 رأى في تغريدات وتدوينات ان “السياسي بدو #قانون_عقياسو وبالأخر بيقلك هيدا القانون بيضمن صحة التمثيل” و “إذا ما كان ال #قانون_عقياسو بيهدد بالنزول عالشارع”. ولفت الى ان “إذا ما لاقى #قانون_عقياسو بيبلش يشد ويلعب عالوتر الطائفي ومين يزود”.
اما لارا صقر @larasaker فقالت: “كتير شي عيب الي عن بيصير عالساحة اللبنانية، كل “زعيم” راكض يفصل #قانون_عقياسو وآخر همن الشعب والبلد!” بدورها سألت ريم السحمراني @ReemSahmarany “مين انت لتفصل قانون بيطابق مصالحك السياسية على حساب مستقبلي وحياتي وحياة ولادي”.
وانتقد جمال الارز @jamalalrez تفصيل القانون لمعرفة النتائج مسبقاً، فذكر: “فصل البدله قبل القانون وناطر الانتخاب قبل الصندوق #قانون_عقياسو“. وقالت ميرنا الحلبي @mirnaelhalabi: “#قانون_عقياسو والشعب بيلبسو حتى لو ما إجا عقياسو”.
ورأت نادين مراد @nadine_mrad ان “القوانين الأنتخابية ينصها مجموعة من الشعب مش الإنتخابات حق الشعب والمفروض يرضى عنه الشعب #قانون_عقياسو”. وقال زين انه “بكل العالم معروف المجلس التشريعي بسن القوانين الا عنا كل رئيس بدو #قانون_عقياسو وحلا اذا فيك”.
وكمحاولة لايجاد الحل اعتبر فادي غصن @fnghosn انه “ما رح تزبط بلبنان كل ما الطائفية هيي من صلب الدولة إلغوا الطائفية وعملوا دولة قانون من دون دويلات طائفية قبل ما تحكوا بقانون قانون_عقياسو“.
وهل يمكن يا ترى تطبيق ما قاله محمد غنوم @boss_monster210 ” مش ممكن تلاقي #قانون_عقياسو بس ممكن تلاقي عصا على قياسو تضلك تضربوا فيها ليشبع”.
