غادرت الإعلامية دارين شاهين قناة “الجديد” بعد سنوات من العمل فيها وسطع خلالها نجمها في عالم الإعلام.
وقد أعلنت ذلك عبر حسابها على موقع “إنستغرام”، قائلة: “هيك كانت بدايتي مع حلم الشهرة بعالم الاعلام، على شاشة المؤسسة اللبنانية للإرسال ظهرت للمرة الاولى ببرنامج ستوديو الفن وكنت ما زلت عم تابع دراستي سنة تاني بكلية الاعلام، نجحت ونلت الميدالية عن فىة تقديم البرامج وكانت البداية الفعلية على شاشة الجديد يلي حضنتني وآمنت فيي فكانت نشرة الطقس و برنامج نيو جي الشبابي”.
وأضافت: “12 سنة مرقت بغمضة عين و البنت الصغيرة كبرت و صارت تطالب بالمزيد لأنو حلما كبر والي كان يرضي طموحاتها هي و بالعشرين ما بقى يرضيها اليوم… و متل ما البنت بدا توصل لليوم يلي رح تترك في بيت اهلها تتحقق أحلامها، أنا اليوم رح بترك المحطة الأحب على قلبي، عاىلة خياط بحبكن كتير، مريم البسام انسانة عظيمة، …كتار هني الأشخاص اللي بحبن بهالمكان الحلو و المتواضع و العفوي… الشهرة اليوم ما عادت حلمي، وإنما صار القلق الوحيد عندي إنّو ما ادعس دعسة ناقصة من بعد كل يلي تعبتو”.
وختمت شاهين: “أنا بطبعي محاربة وما بنسحب بسهولة بس ببعض الأحيان للضرورة احكاما. هيدي الفترة رح تكون استراحة محارب، ومتل ما حققت كل شي بطمحلو لليوم أكيد بوعدكن بالمزيد … إلى اللقاء”.
