علق الاعلامي نديم قطيش على التهديدات الاسرائيلية باعادة لبنان الى القرون الوسطى في أي حرب مقبلة مع “حزب الله”. وقال قطيش في تدوينة عبر “فيسبوك”: “هلأ هيدا الأخو …. يلي بدو يرجع لبنان ع القرون الوسطى، ليش هو فكرو بأي قرون نحن عايشين.. وليه لازم تقدمنا ع القرون الوسطى مش ترجعنا.. ما تكون مفكر إنو القرون الوسطى يا قرن شي مش منيح..”.
واضاف: “جامعة بولونيا يا قرن أول جامعة عطت شهادات بالعالم واسست لمؤسسة التعليم الي منعرفها اليوم. جبلي جامعة بولونيا اليوم ويكتر خيرك. الزراعة ع مد عينك والنظر بالقرون الوسطى، ع القليلة بالحقبات المبكرة من القرون! الوادي الأخضر كان نهضة زراعية مش ماركة! النهضة الادبية والفنية والثقافية بالإمبراطورية الكارولينغيه، مش أحسن من إمبراطور الجلاب أو أباطرة الأجهزة الأمنية الي اليافطات متلتلة تشيد بإنجازاتن (ومن بينها نسبة نجاح في البكالوريا لا تقل عن خمسين بالمية!!) بالقرون الوسطى إنعمل قانون جيستنيان الى هو أهم إسهام روماني بتاريخ الحضارات والعامود الفقري لكل قانون إجا من بعدو. جبلي قانون إنتخاب اليوم يا قرن بلبنان مش قانون جيستنيان. لطفاً أعيدونا إلى القرون الوسطى!”.
