تحول غليان مواقع التواصل الاجتماعي بعد فرض ضرائب جديدة تطال مختلف فئات المجتمع لا سيما زيادة الضريبة على القيمة المضافة الى دعوات مباشرة للتظاهر بدءا من بعد ظهر الخميس وصولا الى يوم الاحد المقبل.
ففي وقت تم التداول بدعوة واسعة عبر مواقع التواصل للمشاركة في اعتصام بدءاً من الساعة 5 مساءً امام ساحة النجمة في وسط بيروت تحت عنوان “#تحدى_الظلم”، اعلنت “طلعت ريحتكم” عن تظاهرة كذلك الساعة السابعة مساءً في ساحة رياض الصلح. وجاء في الدعوة التي انتشرت بشكل واسع عبر مواقع التواصل: “تما يمرق نهار ونحنا ساكتين ويفكرونا راضيين
موعدنا الساعة 7 عرياض الصلح تنسمعن صوتنا وموعدنا مع كل التحركات الجايي بكل لبنان
متل ما ضلو يطرطقو عراسنا سنين بفسادن وبالآخر زادو معاشاتن وزادولنا الضرايب نازلين اليوم نقلن فشرتو تنامو مرتاحين.
نزلو ومعكن طناجر وملاعق تنخلي صوتنا يوصل ونفهمن انو لا مش حنسكت قبل ما يسدو مزاريب السرقة والهدر.
بعد ما سرقو الاخضر واليابس جايين يقاسمونا لقمة خبز ولادنا
#سلطة_فاجرة
وكلنا مدعويين للمشاركة بكل التحركات المستقلة بطرابلس وببيروت بكرا والسبت والأحد كلنا ضحية فسادن”.
على هاشتاغ “تحدى الظلم” كتبت ليا عجيل @lojeil: “أنا نازلة اليوم عالمجلس الساعة ٥ لأنو ما بقبل إرضخ لظلم الفساد”، وقال يوسف ياسين @yousefyasin7: “احذروا صولة الكريم اذا جاع، و اللئيم اذا شبع علي بن ابي طالب #تحدى_الظلم #عالشارع_الاحد”. وكتب بودي جبور @boudyjabbour: “عم بفقرونا، عم بجوعونا، عم بهجرونا الساعة ٥ قدام #مجلس_النواب #تحدى_الظلم #كيف_بكون_النايب_حرامي #ضرائب_تمويل_الفساد”.
وفي السياق نفسه رفضا للضرائب اطلقت “ميديا هاشتاغ” حملة الكترونية للدعوة للتظاهر يوم الاحد تحت عنوان “#عالشارع_الاحد” الساعة 12 ظهراً. وقال حساب المجموعة الالكترونية: “ضرايبكم مرفوضة ضد ضرائب الإفقار والتعتير نازلين #عالشارع_الأحد بيروت، ساحة رياض الصلح، الساعة 12 ظهرا”.
الناشط طارق ابو صالح @tarekabousaleh3 كتب: “منيح يلي ما في حمامات عامة بالبلد لان كانوا غلوا الدخول على الحمام #عالشارع_الاحد” واضاف: “لان الtva صارت 11% ولان قيمة الtva بتوصل لل20% من مالك لهالك لقباض الارواح #عالشارع_الاحد نازلين”.
وكتبت لا صقر @larasaker: “بكل وقاحة رفعوا مستحاقتهم، وزادوا الضرائب على الشعب!”، فيما قالت فاطمة عيد @fatima_eid9: “ضرايبكم مرفوضة… فليسقط من أقر الضرائب”. ونختم مع فيكتور جرجورة @viktorjarjoura الذي غرد: “تتبقى كرامتك عالية و لترفض الذل و الفقر نزال #عالشارع_الأحد”.
