غضب عارم. هكذا يمكن وصف ردة فعل اللبنانيين على سلسلة الضرائب التي أقرتها الهيئة العامة لمجلس النواب خصوصاً زيادة الضريبة على القيمة المضافة لتصبح 11% وزيادة تعريفات الصكوك والكتابات المالية وزيادة رسم الطابع المالي من 3 آلاف ليرة الى 4 آلاف ليرة. كما اقر المجلس زيادة 6 آلاف ليرة رسم انتاج على طن الاسمنت.
وبالرغم من أن المسؤولين يعتمدون على فكرة ان اللبنانيين لن ينقلوا غضبهم من مواقع التواصل الى الشارع الا انه لا يمكن التوقف الا عند شبه الاجماع الشعبي على الرفض المطلق لهذه الاجراءات.
عبر “فيسبوك” كتب رئيس تحرير موقع IMLebanon طوني ابي نجم سلسلة تدوينات رافضة لما جرى فقال: “كل نائب صوّت لمصلحة إقرار الضرائب والرسوم هو إما فاسد وإما يشارك في تغطية الفساد”. واضاف: “#بالعهد_الجديد زاد الفلتان الأمني وسرقة المصارف وعمليات الخطف والاشتباكات المسلحة والتهرب الجمركي والفساد وزادت الضرايب كمان… زودات عا مدّ عينك والنظر!”.
ودوّن الاعلامي جو قزي: “بالنسبة للضرائب.افضل ضريبة وأكثرها ربحا هي انكن توقفوا نهب.يا ويلكم من نار جهنم يا مجرمين يا اكلين لحم الشعبارحمونا يا كتل النصب الاسود”. وفي السياق نفسه قال المحامي الياس عقل: “أقبل بهذه الضرائب، في حال كان التعليم، والاستشفاء مجاني ، وضمان الشيخوخة مطبق ،والسيارات دون جمرك، والشقق أسعارها معقولة، والبنزين دون ضريبة فوق الضريبة، دون الهدر، دون الكهرباء التي تدفع مرتين، دون المياه التي تدفع مرتين، دون سلاحين، دون محسوبيات…غير هيك #فشرو”.
اما فرنسوا بعيني فكتب في تدوينة: “مبروك الضرائب الجديدة على الشعب الغاشي وماشي …بس حابب اعرف شغلة وحدة ، سؤال محيرني: مين صوت مع هالضرايب اذا كل الشعب رافض هالضرايب:
الكتائب ضدد
القوات اللبنانية ضد
التيار ضد
حزب الله وأمل ضد
المستقبل ضد
طيب مين اللي صوت مع؟؟!!
حدا يشرحلي
معقول الأحرار والمردة والطاشناق مثلاً …
في حدا يعرضلنا التصويت على هالضرايب لأعمل صخرة متل صخرة نهر الكلب عليها اسم كل نائب حقير ممدد لنفسو غير شرعي ودستوري !!!”.
كما شهدت مواقع التواصل دعوات لنقل الاحتجاجات الى الشارع فكتب الناشط طارق ابو صالح: “طيب من الاخر الحكي هون ما بيكفي لازم نعمل تحرك عالارض بعتقد معظمنا ما بيحمل بقى ضرايب يلي فينا بيكفينا كرمال هيك خلينا نشتغل سوا على تحرك شعبي على مستوى البلد وأهم شي هيدا التحرك ما يكون عنده خطوط حمراء على سياسيين #الضرايب_ضربة_قاضية”. واضاف: “بل ما تزيدوا الضرائب وقفوا الهدر والفساد ضبطوا ملف الجمرك يلي كفيل يمول السلسلة ويسكر العجز بالميزانية قيمة الفساد بالجمارك مليار و900 مليون دولار سنويا”.
ودعا الناشط طارق ملاح عبر الى اعتصام الاحد الساعة 1 ظهرا في رياض الصلح رفضا للضرائب الجديدة.
كما اشتعل تويتر غضباً فأصبح هاشتاغ “#كيف_بيكون_النائب_حرامي” ضمن الترند الى جانب هاشتاغ #الفاسد_هو”.
ومن ابرز التغريدات قالت ليليان شري: “#كيف_بكون_النايب_حرامي لما يكون عهد الاصلاح والتغيير وباسمن بيعملوا مادة 37 ليضربوا الوظيفة العامة وتفرط الدولة وكل حزب يصير الو مزرعته”. وقال حساب “مواطن صاحي”: “#كيف_بكون_النائب_حرامي
لما النائب بيعطل كل أشكال المحاسبة وآلياتها
وبيفعلها فقط في وجه المواطن. بيكون عم يجهز لضربة العمر”.
وذكر جاد عويس: “فينا نرجع عالعهد القديم وقتا ما كان حدا ينزل عالمجلس؟ أشطف زوم #كيف_بكون_النايب_حرامي”، اما حساب “الامير فخرالدين” فذكر: “ضرايب الدولة اللبنانية ذكرتني بضرايب وخوات السلطنة وشغل السخرة. #مجلس_النواب #كيف_بكون_النايب_حرامي”. وقالت ريتا خوري: “مبروك للزيادات الضريبيّة الجديدة على شعب لبنان العظيم! هديّة من بيّ الكل والاصلاح حتى التعتير … ع امل يوعوالحراس !! #كيف_بكون_النايب_حرامي”. وذكر ديميتري مخيبر: “#كيف_بكون_النايب_حرامي وقتا يغطّي عن فسادو بضرائب متراكمة على الشعب. وقتا يفرّ من سلسلة محقّة ويحطّ المطالبين بالسلسلة بمواجهة مع المواطنين”.
وقالت مروى خوري: “#الفاسد_هو عايشين بسرقة وفساد ومش حاسين بوجع الناس وضرائب جديدة وأسرع شي قدروا يعملوه زيادة ل TVA وشو ح نضل ساكتين !!”. وذكر كمال شحرور: “بدك تعرف #كيف_بكون_النايب_حرامي شوف التهرب الضريبي والجمركي بتعرف ان #الفاسد_هو #مجلس_النواب”. ونختم مع تغريدة حساب “بسام 46”: “#الفاسد_هو كل نائب عنا بمجلس النواب وافق على زيادة الضرائب عالشعب. بدي أعرف بس، كيف فيهن يحطوا راسهن عالمخدة ويغفوا! يا عمي ما بتخافوا الله!”.
