نشرت الممثلة إيميه صياح، عبر صفحتها على موقع “فايسبوك”، صورة تجمعها بعاملتها المنزلية، حيث حازت على الكثير من التعليقات التي أثنت على طيبة النجمة ومشاعرها الإنسانية.
وقد أرفقت الصورة برسالة وجهتها إلى العاملة وجاء فيها: “بعرف انّو ما رح تقري هالكلام، قلتلّك أحلى منّو بكتير، مش ناطرة انستغرام. بس عبالي عبّر قدّام الكلّ حتّى نقدّر قيمة “عرق الجبين” وقيمة التضحيات اللّي عم تنعمل كرمال راحتنا”.
وأضافت: “لمّا وصلتي على بيتنا من 6 سنين، كنت عم قلّها للماما مش عارفة كيف بدّي أتعوّد على شخص غريب بالبيت. وهلّق عم قلّها، كيف بدّي أتعوّد على البيت بلاكي. حبّيناكي كتير، وتعلّقنا فيكي لأنّو ولا أهضم منّك. ضحكنا وبكينا وحضّرتي العرس معنا، وحضرنا دراما سوا وهيدا غرامك. شكراً على تعبك معنا، شكراً على محبّتك وطيبتك، وشكراً لأنّو ضحّيتي هلقد”.
وختمت الصياح: “أنا مبسوطة انّك راجعة ورح تكوني عروس حلوة بس ما رح خبّي انّو زعلانة ورح اشتقلك كتير وانشاالله أقدر زورك بأثيوبيا شي يوم. بحبّك كتير Beky”.
