يحتفل لبنان وعدد من الدول الأخرى اليوم بعيد العمال كما كل عام وفي هذه المناسبة ومع اقتراب الانتخابات النيابية التي تجري الاحد المقبل امتزجت الانتخابات مع عيد العمل في التعليقات والتغريدات عبر مواقع التواصل الاجتماعي.
وفي هذا الاطار غردت أديل التي تشارك في برنامج “هيدا حكي”: “ينعاد ع هالطبقة السياسية كلها، كل سنة و إنتو بخير و تضلّو تشتغلو فينا”، اما المخرج والممثل المسرحي زياد عيتاني فوجه “تحية لكل عامل بسيط شغلته يلصق صور مرشح ليقبض وهوي مش مقتنع فيه اساسا وما طايقه..” واعرب الصحافي الان سركيس عن تضامنه “مع النواب العاطلين عن العمل في عيد العمال”.
ينعاد ع هالطبقة السياسية كلها، كل سنة و إنتو بخير و تضلّو تشتغلو فينا ??#عيد_العمال
— Adele (@Adele__J) May 1, 2018
#عيد_العمال
تحية لكل عامل بسيط شغلته يلصق صور مرشح ليقبض وهوي مش مقتنع فيه اساسا وما طايقه ..— ziad itani (@ZiadItanioff) May 1, 2018
وفي تدوينة ساخرة كتب الناشط علي رباح: ” في عيد العمّال تحية لموظّفي سكة الحديد! يجعل حظنا مثل حظكم…”، ولم تخل تدوينة الصحافي علي منتش من الفكاهة: ” تحية في عيد العمال لكل واحد عامل حالو بيشتغل وهوي بيروح بيحضر يوتيوب بالمكتب..الف تحية”، فيما ذكرت الناشطة سارة عبدالله: ” عيد العمال بلبنان مضاعف، أغلبنا عم يشتغل شغلتين او حتى ثلاثة لنجرب نعيش بكرامة.منستاهل نحتفل بهاليوم…”.
ووجه الناشط وديع الأسمر تحية “لكل اللي بيشتغلوا اليوم بالمهن الصعبة وخاصة التمريض والطب والاعلام والنقل العام ( عذرا هيدي مش عنا)”. وقالت رانيا علم الدين: ” تحياتي لكل يلي عم يعملو فينا العمايل بهالبلد و نحنا بعدنا راكضين وراهم و مصدقين خطابتهم العظيمة !!#عيد_العمال #لبنان #انتخابات_٢٠١٨”
وغرد بيار صقر: “#عيد_العمال نسبة البطالة في لبنان بتوصل إلى ٦٠% بس حدا يحددلي مين مفروض نعيّد”.
وغردت الصحافية ايمان إبراهيم: “تحية إلى كل عاطل عن العمل عندو كفاءة وما عندو واسطة، تحية لكل عامل بيقبض راتب اقل مما يستحق ومتحمل لأن هيدا الموجود، تحية لكل موظف بيشتغل تحت إدارة مدير سيء بيسعى لتحجيم الناجحين، وتحية لكل أم بتشتغل ٢٤ ساعة لعيلتها بدون دوام او راتب”.
بدورها ذكرت الإعلامية رابعة الزيات: ” تحيّة الى العاملات الأجنبيات اللواتي يعملّن فوق ال ١٥ ساعة يومياً دون رحمة .تحيّة الى كلّ عامل يدفع من صحّته وكرامته ثمن لقمة العيش”.
تحيّة الى العاملات الأجنبيات اللواتي يعملّن فوق ال ١٥ ساعة يومياً دون رحمة .
تحيّة الى كلّ عامل يدفع من صحّته وكرامته ثمن لقمة العيش #عيد_العمال— Rabia Zayyat (@rabiazayyat) May 1, 2018
