بعد انتهاء الانتخابات النيابية وحصول لائحة “المتن قلب لبنان” المدعومة من “القوات اللبنانية” على مقعد نيابي واحد لمصلحة إدي أبي اللمع، نشرت الإعلامية والمرشحة السابقة على اللائحة جيسيكا عازار رسالة عبر مواقع التواصل الاجتماعي وجهتها الى من وثق بها ودعمها وخصوصاً الدكتور سمير جعجع، رئيس حزب “القوات”.
ولفتت الى أن ترشحها كان بداية تفتخر فيها لمسار ستكمل به في خطوة قال كثر انها مستحيلة بوجه عمالقة الفساد والسياسة والمال. وشددت على ان مشوارها سيستمر مع “القوات”.
وكتبت جيسيكا: “رغم كل الصعوبات وشراسة المعركة ووجود حيتان المال بالمتن الشمالي، بدي اشكر كل حدا وثق فيي ودعمني بهالمرحلة وتحديدا الدكتور سمير جعجع. هيدي كانت بداية بفتخر فيها لمسار وخط سياسي رح كمل فيه وبلشته بخطوة كتار قالوا انها مستحيلة بوجه عمالقة الفساد والسياسة والمال .
تشجيعكن كان مهم وحاسم، واصراري عخط سياسي سيادي بيشجعني كفي بمشروع كنت وما زلت مآمنة انو الخلاص الوحيد لبلدنا، وهو المشروع السيادي والإصلاحي بمواجهة مشاريع التبعية والفساد والافساد.
قلبي كبر بكل صوت من الاصوات الكتيرة يللي نزلت لصالحي بصندوق الاقتراع، على امل انه كل صوت ثاني ما لاقى طريقه لهالصندوق لاسباب كثيرة وضغوطات كبيرة، يقدر بالمرة الجايية يعلّي صوته ويوصله لمطرح ما بدو ياه يوصل.
ومشواري يللي بلشتوا معكن بهالمعركة الانتخابية، رح نكفي إيد بإيد معكن ومع القوات اللبنانية”.