شاب بعد تعرضه لرصاصة طائشة: “ما تعلقوا عالجنسية.. وزعوها”

انتشر فيديو على مواقع التواصل الاجتماعي، التقطته كاميرا أحد المطاعم، لشاب يتعرض لرصاصة في ركبته.

وتبين لاحقًا أن الشاب يدعى حسن كريّم، إذ نشر الفيديو وصورة شعاعية للرصاصة في ركبته عبر حسابه على “فايسبوك”، مرفقًا إياها بكلام مؤثر لاقى تفاعلًا كبيرًا من قبل مستخدمي “الفايسبوك” بما يقارب 200 مشاركة و400 تعليق.

وقال كريّم: “كثير ناس كانت تهاجم البلد وانا كنت مأمن في.. والدي حاول يمنعني كفي دراستي الجامعية بلبنان بس انا رفضت.. حصلت على عرض عمل بدبي بأجر كان ممكن شوفو بالأحلام بعد التخرج ورفضت.. ما قدرت لحظة أتخلى عن بلدي ولأنو عندي إيمان أن هيدا جنه مش بلد… بلشت من الصفر وواجهت كثير مشاكل وكانت قادر واجهه أكثر.. وربي وفقني ورزقني شمعتين كان ممكن يكونوا أيتام ع لحظة.. كانت الرصاصة ممكن تصيب حدا من ولادي يلي كانوا جنبي قبل ٥ دقايق من الحادثة… الحمد الله على كل حال.. يمكن طولت شوي بس اليوم عرفت أنو فضلت المزرعة عن كثير أماكن بالعالم، وهلق ناطر فرصة وحدة لسافر برا وخلي ولادي يعيشوا بدولة بتحترم شعبها وشعبها بيحترم بعضو”.

وتابع: “الرصاصة كانت طايشة مثل هيدا البلد وانا اليوم يمكن كفي حياتي والرصاصة داخل جسمي… ما تعلقوا ع الجنسية وزعوها… ”