اندلع سجال عنيف دار عبر “تويتر” بين مديرة الاخبار في قناة “الجديد” مريم البسام والمخرج المسرحي زياد عيتاني وذلك اثر تداعيات إخلاء سبيل المقدم سوزان الحاج مع احالتها الى المحكمة العسكرية فيما يؤكد عيتاني انها المسؤولة عن فبركة ملف التعامل مع إسرائيل الذي برئَ منه.
وكانت البداية مع تغريدة البسام التي قالت: “بعد ما تم الافراج عن المقدم سوزان الحاج، بعترف انا الصحافية الموقعة اعلاه اني ما فهمت شي. مين بريء؟ مين متهم؟ مين خرق مين!! ومين بدو يربح او يأخذ بالثأر؟ وحياة بناتي ما عندي ادنى فكرة.”
من جهته، رد عيتاني قائلاً: “في تضليل الرأي العام نموذج عن الاعلام اللبناني ومحاولة تمييع فضيحة دولة ونظام بتواطؤ تام مع الاعلام المدعي. اذا بدنا ناخد حسن نية بالحد الادنى عم نحكي عن رئيسة تحرير مش قارية شي بما فيهم القرار الاتهامي. لك استحي!”
وعاود الرد من البسام بالصور والتفاصيل على عيتاني الذي حذف التغريدة أعلاه، قائلة: “إذا حضرتك فهمت ع حالك بشو ادليت وبشو تراجعت تبقى فهّم الرأي العام. وعبارة استحي ما بتمرق عندي. لمن كتبت انا هون عن ضرورة حل جهاز امن الدولة كنت سعادتك عم بتهّر معلومات واعترافات قدامو.”
الى @ZiadItanioff رايتر اند اكتر
اذا حضرتك فهمت ع حالك بشو ادليت وبشو تراجعت تبقى فهّم الرأي العام . وعبارة استحي ما بتمرق عندي . لمن كتبت انا هون عن ضرورة حل جهاز امن الدولة كنت سعادتك عم بتهّر معلومات واعترافات قدامو . pic.twitter.com/GTCj6j4Cez
— Mariam Al Bassam (@MariamAlbassam) June 13, 2018
فرّد عيتاني على تغريدتها بالقول: “اذا بدي عد مخالفات الجديد لحالها وقلة مهنيتها بموضوعي مش رح اخلص، بعرف مصاري بيت حبيش محرزين بس لما يطلع قرار ظني و يصير الترويج الو من باب إخلاء السبيل اكتر من باب الاتهامية فهيدا تضليل مقصود”، مضيفاً: “مع اني حذفتها بس بما انو وصلتك فتفضلي؛ لما تكوني عارفة كيف انجابت هاي يلي سموها اعتراف وسكتي، وعارفة بمين تهددت وسكتي، وعارفة انكم مارستوا خرق فاضح لحقوق اي موقوف بتورطكم بتسريبات غير حقيقية، وعرضتوا عيلتو للخطر و لما تقري متل هلق القرار الظني وتدعي انك ما فهمتي فاكيد استحي.”
وتابعت البسام: “خلال وجودي في نظارة امن الدولة نعتني أحد المحققين بأنني شخص جبان وسخيف واورط نفسي وقال لي: “إذا شخص أخدلك إيدك ليفوّتك بالحيط، بتتركوا وتركض تطبش حالك بالحيط؟ وفهمت من حديثه كيف أسمح لنفسي تحت الضغوطات بالاعتراف بعمالتي. صار ولّا ما صار؟”
الى @ZiadItanioff رايتر اند اكتر
خلال وجودي في نظارة امن الدولة نعتني احد المحققين بأنني شخص جبان وسخيف واورط نفسي وقال لي : «إذا شخص أخدلك إيدك ليفوّتك بالحيط ، بتتركوا وتركض تطبش حالك بالحيط؟ وفهمت من حديثه كيف أسمح لنفسي تحت الضغوطات بالاعتراف بعمالتي.
صار ولّا ما صار ؟— Mariam Al Bassam (@MariamAlbassam) June 13, 2018
وتوجّهت الى عيتاني بالقول: “سألك قاضي التحقيق ليه فبركت كل هالقصص قلتلو: كنت تحت ضغط نفسي كبير وكنت عم اكسب وقت وناطر حدا يتدخّل يطلعني.. صار هالحديث والله ما صار؟ مين بيكون عم بيضلل؟ فت عالحبس ضحية خلاف سوزان وعماد وطلعت من الحبس بانتخابات نهاد. واستحي مش الي بتنقال.”
الى @ZiadItanioff رايتر اند اكتر ٣
سألك قاضي التحقيق ليه فبركت كل هالقصص قلتلو : كنت تحت ضغط نفسي كبير وكنت عم اكسب وقت وناطر حدا يتدخّل يطلعني
صار هالحديث والله ما صار ؟
مين بيكون عم بيضلل ؟
فت عالحبس ضحية خلاف سوزان وعماد وطلعت من الحبس بانتخابات نهاد .
واستحي مش الي بتنقال— Mariam Al Bassam (@MariamAlbassam) June 13, 2018
ورد عيتاني على آخر تغريدة للبسام، قائلا: “طلعت لأني مظلوم وبريء والانتخابات هاي الك وملعبك يلي كسبتوا من وراه ذهب.. وبشرفني كون انزه واعلى كعب من استغلالتكم السياسية و التغاضي عن فضيحة بكل المستويات.. يا عارك.”
طلعت لاني مظلوم وبريء والانتخابات هاي الك وملعبك يلي كسيتوا من وراه ذهب .. و بشرفني كون انزه واعلى كعب من استغلالتكم السياسية و التغاضي عن فضيحة بكل المستويات .. يا عارك
— ziad itani ( writer & actor) (@ZiadItanioff) June 13, 2018