يوسف حداد عن “فاتورة الموتور”: “لازم بالسرماية ينضرب كل سارق وفاسد”

نشر الممثل يوسف حداد عبر حسابه على “فيسبوك” صورة أظهرت فاتورة الكهرباء الخاصة به، وفاتورة الاشتراك بالمولد الكهربائي.

وأرفق حداد الصورة بتعليق قاسٍ كتب فيه: “معقول هالحكي وبأية منطق، فضيحة وطنية مكملة بحقنا كمواطنين ملتزمين بالقوانين ونتأمل ببناء وطن عادل. اتضحلي انو ازمة الاخلاق والانتماء والوطنية تجذرت وكبرت لحد الفحش وقلة الحيا وعدم الخوف من المحاسبة يوماً”.

وتابع: “مليارات انسرقت والاف استشهدت والطائفية بأوج عزها والاقتتال مستمر، والنهب ع عينك يا تاجر بكل الوزارات والمباني الحكومية والمؤسسات العامة مع موظفين فاسدين تابعين خنوعين مذهبيين راكعين قدام الريس وبخدمتو المهم يضل النهب ماشي”.

وأضاف ان “الصورة الحاططا بتفرجي اداي كمية السرقة، ولاي ما بدهم الكهربا تجي وتتأمن لأنن عم يتقاسمو فواتيرنا متل يهوذا وجنود العتمة”.

وختم حداد قائلاً: “الله لا يسامح كل مسؤول او موظف استعمل ومكفّي منصبو للنهب والتفرقة وتفقير الناس وضياع الوطن والهوية. هزلت ولازم بالسرماية ينضرب كل سارق وفاسد. يا ويلهم من ربهم ما شبعو بعد”.