ضجّت مواقع التواصل الاجتماعي بخطوة وزيرة الداخلية والبلديات ريا الحسن، التي أعلنت عن نيّتها العمل على فتح حوار جدّي حول اقرار الزواج المدني الاختياري في لبنان.
عدٌد كبير من الناشطين أيّد الحسن، وقسم آخر أعلن عن رفضه الأمر رفضاً قاطعاً.
الإعلامية في قناة الـmtv نوال بري، أعلنت عن تأييدها لاقرار الزواج المدني في لبنان، وقالت عبر حسابها على “تويتر”: يا ريت السلطات الدينية ما بتدخل هالقد بالدولة وقراراتها، يلي بدو يتزوج بمؤسساتكن هو حر ويلي بدو يتزوج مدني ما دخلكن فيه، خلصنا بقى، نحن مش دولة دينية، وما خصكن بقرارات الناس ومعتقداتها”.
وتابعت بري “وأكيد اكيد نعم للزواج المدني ليلي بيكون هيدا خيارو، ونعم للزواج الديني كمان ليلي هيك بيقرر”.
يا ريت السلطات الدينية ما بتدخل هالقد بالدولة وقراراتها..يلي بدو يتزوج بمؤسساتكن هو حر ويلي بدو يتزوج مدني ما دخلكن فيه..خلصنا بقى..نحن مش دولة دينية..وما خصكن بقرارات الناس ومعتقداتها..واكيد اكيد #نعم_للزواج_المدني ل يلي بيكون هيدا خيارو ونعم للزواج الديني كمان ل يلي هيك بيقرر..
— nawal berry (@berrynawal) February 17, 2019
تغريدة بري أثارت جدلاً واسعاً بين المغردين، فالبعض أيّد رأي نوال، والبعض الآخر هاجمهما بقوة.
كلام ملك من ملكة
— Fouad It (@Fouad413) February 17, 2019
نعم والف #نعم_للزواج_المدني
— AlloStewie ☎ (@AlloStewie) February 17, 2019
هون بالغرب الكل يتزوج مدني بس الزواج الديني وبالاخص يلي بده اوراق مفروض يتزوج عند رجل دين مسيحي او مسلم
انتو يا شعب لبنان العظيم كفى جلئان ومسخرة واكل هوا شوفوا التقدم بالبلاد ولبنان وين صار !!— Em Adham (@Ayda_Jaber) February 17, 2019
نعم للزواج المدني الاختياري
— Hassoun (@Hassoun) February 17, 2019
هذا يعارض الأديان السماوية ونحن بشر ولسنا حيوانات أو حجر…#لا_للزواج_المدني_
— Abdelrahman Zakariya (@Abdelra28841981) February 17, 2019
الدولة بلا دين متل البيت بلا أم
— Bob Mdallal (@BMdallal) February 18, 2019
اليوم شرعوا الزواج المدني بكرا بيشرعوا زواج المثليين و هيك بيعم الفساد و بدل ما يكون الانسان خليفه الله عالارض بيصير خليفه الشيطان عالارض
— ibrahim haydar (@brahim04806657) February 18, 2019
لا صايرة عم تغلطي الدين راس الحياة
— ادم الحاج (@v5rHRqAgHcJiCGt) February 17, 2019
