أثار اللاعب المصري محمد صلاح حالة من الغضب بين جمهوره ومتابعيه على “تويتر”، عقب نشره صورة له الخميس.
— Mohamed Salah (@MoSalah) February 28, 2019
وتعرض لاعب ليفربول الإنجليزي، محمد صلاح إلى انتقادات من بعض متابعيه على خلفية الصورة التي ظهر صلاح متكئا وهو يبتسم في الصورة.
واعتبر البعض أن الصورة تثير الغضب والاستفزاز، وسط الظروف التي تمر بها البلاد، على خلفية الحادث الذي وقع الخميس في محطة مصر.
وجاءت التعليقات غاضبة من صلاح، وطالب الكثير من المعلقين اللاعب المصري بحذف الصورة.
نصيحة شيل الصوره يا صلاح علشان مشاعر الناس
— Hossam Ghaly (@Hossam74Ghaly) February 28, 2019
كل الناس اللي بتحبك اه يا صلاح ، كلهم دون استثناء نازلين فيك شتيمة بسبب الصورة دي وانت بتضحك ، ودي نقطة كويسة منهم بصراحة عشان مفيش تبرير لحد حتى لو بنحبه ، ومفيش حد كبير على النقد .
— انا كبهير انبهرت ® (@alyelbassel) February 28, 2019
ايه ياا فخر العرب دة حتى المعلق كان بيقول ان انت مش ف المود وما سجلتش ولعبت كويس عشان يمكن الحادث اللي حصل مأثر ف نفسيتك شوية.بس هو من حقه يضحك حاسس بالامان مش قلقان يطلع وما يرجعش ولا خايف ع مستقبل عياله
— NADA (@Nada_Yehia__) February 28, 2019
توقيت الصورة غير موفق ياصلاح ..البلد حزينة والناس كلها حزينة كنت صبرت يومين تلاتة على الأقل الدم ينشف
— Samira Ibrahim (@SamiraIbrahim4) February 28, 2019
كلنا زعلانين ياصلاح ومحروقين خليك زينا لانك مننا بلاش صور في الوقت الحالي?مصر كلها بتعيط
— mohamed alades (@mohamedalades) February 28, 2019
انا حسيت بأرف واستغراب لما شوفت الصورة الصبح
— ? AYAT ? (@AYAAAAAAAAAAT) February 28, 2019
كلنا عاملين حداد وزعلانين ومقهورين المفروض الصوره دى ماتنزلش دلوقتى ابدا مهما كنت فرحان ومبسوط بلدك كانت والعه ياخساره مافيش حد كويس للنهايه
— Ahmed Shokry (@Dr_shokry74) February 28, 2019
الغريب ان رغم كل الانتقادات دي انه سايب الصورة زي ما هي ولا أكن الناس بتتكلم. للأسف نزلت من نظري كتير، مش علشان حاطط صورة مش وقتها والعذر انك ممكن متكونش سمعت عن اللي حصل في مصر (مجرد افتراض مجازي) لكن علشان معملتش اي احترام للناس اللي ياما شجعتك ووقفت جمبك في كل أوقاتك!!
— K The King (@kareem_fmy) February 28, 2019
اللهَم احم شهداء الوطن وشهداء القطار شكرا يا نجم
— Tarek Elhams (@TElhams) February 28, 2019
يشار إلى أن صلاح نشر الصورة عقب مساهمته في فوز الريدز على واتفورد بخماسية نظيفة، رغم أنه لم يسجل أهدافا.
