اثار ظهور المخرج نضال بكاسيني في برنامج “منا وجر” للحديث عما قال انه سرقة فكرة وبرنامج “ست وستات” الذي تقدمه الاعلامية كارلا حداد والذي بدأت “المؤسسة اللبنانية للارسال” بثه مساء الاحد الماضي جدلا عبر مواقع التواصل الاجتماعي. وسبق ذلك نشر مديرة اخبار قناة “الجديد” مريم البسام فيديو من الحلقة التجريبية التي تم تصويرها مع الإعلامية رابعة الزيات في مقارنة مع “ست الستات”، كما نشرت الزيات تدوينة قالت فيها: “في كانون التاني2018 ، صوّرت حلقة تجريبية لبرنامج إسمه #ست_الستات ( الفكرة والاخراج ل #نضال_بكاسيني ) #بيخلق_من_الشبه_أربعين ( ملاحظة : الموسيقى والكلام مأخوذين من الاعلان الترويجي للبرنامج الذي يتم الترويج له على شاشة ال lbc الزميلة لإظهار التطابق في الأفكار والمضمون )”.
لكن القصة لم تنته هنا فالاعلامي في LBCI قرر الرد والتدخل في الموضوع فنشر تدوينة طويلة هاجم فيها من اسماه بـ”الفاشل” وفند ما ذكره بكاسيني وتوعد بأن يفتح الموضوع بالحلقة المقبلة من برنامجه يوم الخميس، وهدد قائلاً “انا هشام حداد ويلي عندو ركب يهدي للاخر”.
هذا الوعيد لم يرُق للبسام التي ردت على تغريدة حداد قائلة: ” شو الخميس تلة ال تلات تمانات ؟ منصة ؟ قناص ب جبهة حرب ؟الخميس برنامج ناجح جداً ما يتحول لمنصات كرمال حضرتك صرت منتج برنامج اخر ، بدك تربح ما تستقوي ع غيرك وتهدد بصواريخ هوائية ، قد ما كنت ناجح قد ما بنحترمك اكتر اذا اعترفت بحقوق الغير . انو شو بتهددنا صرت بالخميس ؟ هلا بالخميس”.
ولم يتأخر رد حداد معلقاً: ” مين قرب صوبك؟انا الخميس بعطي موعد للناس اللي بضحكن…دفاعي قلتو بأول جزء من التويت وعفكرة انا مش منتج ولا برنامج… بموضوع الاستقواء ، فأنا حر شو بقول ببرنامجي متل ما انت حرة بمقدماتك و خليكي برا الموضوع لانو كل بلاغتك ما بتشيلك من جورة الوحل اللي منوقع فيا كلنا”، لترد البسام مجددا:ً ” ما حدا بيرسملي حدود ، ولا بيأمرني سيد هشام ، هون مساحة لنعبّر . حضرتك مفرعن زيادة عن اللزوم . ع شو عم بتهدد الناس وبمين ؟ ببرنامج ؟ بمحطة ؟ مش ملاقي حدن يقلك خلصنا بقى . رح تبج يا زلمة من كتر التهديد .”.
ولم يتأخر رد حداد قائلاً: ” ما حدا بيرسملي حدود ، ولا بيأمرني سيد هشام ، هون مساحة لنعبّر . حضرتك مفرعن زيادة عن اللزوم . ع شو عم بتهدد الناس وبمين ؟ ببرنامج ؟ بمحطة ؟ مش ملاقي حدن يقلك خلصنا بقى . رح تبج يا زلمة من كتر التهديد “، لتجيب البسام: ” بيكون اريح للبشرية. خلي حدا شي نهار يقلك ما تكبر كتير ع العالم يلي طلعت منن . ع راية المرحرم ملحم : حبك كبر كتير. هات هالباسورد وخلصنا. وبالنسبة للزملاء المراسلين هني بيعرفوا اني ولا مرة كنت معن الا زميلة. ما بأمر حدا .. انا بأمرن ابعتلي الباسورد عالخاص”، ليعلق حداد: ” عم بشتغل هلق… رح شغلك موسيقى حزينة تغفي عليا… غود نايت صديقتي”.
ويبدو ان البسام ختمت هذه الجولة برد جاء فيه: ” انو كل ما شخصية نجحت وصارت فذة بدا تستقوي عالبشرية ليه خيي؟ افش ادارة تقلك خلصنا بقى؟ ناجح عظمتك وغاية في الهضامة والاول ع دفعتك نهار الخميس وبكل يوم بتقرروا بتكون الاول وع راسنا ورح نصحك ونتسلى ، بس هيدا الشي ما بيخليك رامبو . اتتسلاش فينا ولا على حقوق الناس”.
انو كل ما شخصية نجحت وصارت فذة بدا تستقوي عالبشرية ليه خيي؟ افش ادارة تقلك خلصنا بقى؟ ناجح عظمتك وغاية في الهضامة والاول ع دفعتك نهار الخميس وبكل يوم بتقرروا بتكون الاول وع راسنا ورح نصحك ونتسلى ، بس هيدا الشي ما بيخليك رامبو . اتتسلاش فينا ولا على حقوق الناس .
— مريم البسام (@MariamAlbassam) March 26, 2019
