انتقدت ابنة السيدة فيروز ريما الرحباني بعض الفنانين والفن بشكل عام، ولفتت إلى أن الفنان الحقيق يعرف حقوقه وواجباته، ولكن “ما عاد في فن”.
واعتبرت أن دواعش الفن أخطر من دواعش السلاح، وان الفن أصبح تجارة و”شي تاني مش رح قولو”!
وقالت عبر حسابها على “فايسبوك”: “ربيت معتقدة إنّو الفنان هوّي أحلى وأرقى خلق الله، إنّو الفنان رقيق مُرهف عندو أخلاق ورسالة، بيعرف حقوقو ومتوجّباتو وقدوة للناس، عندو كرامة وعزّة نفس ونبُل.”
وتابعت: “ما عم إقدر إستوعب كيف صاير هيك بهالدني! يمكن لأن ما عاد في فن! يمكن لأن ما حدا تعب تيوصل! يمكن لأن صار الفن تجارة وشي تاني مش رح قولو!”
ولفتت إلى أن “دواعش الفن أخطر من دواعش السلاح، وبالسلاح بيقتلوك مرّة، بالفن بيقتلوك وبيقتلوا ولادك وناسك كل يوم وكل مرّة!”
وتابعت ريما:”انا عم طالب بشي أساساً مش شغلتي طالب فيه ولا إحكي فيه حتّى، لو في دولة ولو في ساسيم عم تعمل شغلا، ولو في فنانين بيعرفوا أصول الفن وبيعرفوا حقوقن وواجباتن، بس اذا هنّي مش هيك ما معناتا انا لازم إسكت… خاصة وإنّو قلّي بيّي قبل ما يموت الحق ما بيموت! وانا صاحبة حق. وصاحب الحق سلطان كما وإنّو الهوى سلطان، ووجهت تحيّة لسلطان الطرب جورج وسوف”.
واختتمت: “طبعا والحمدالله بكل شي في إستثناءات فتحيّة كمان للإستثناءات.”
وكانت قد حذرت من التطاول على الإرث “الفيروزي_الرحباني”، وتسجيل وإعادة الأعمال وتوزيعها على أي كان من دون مُراجعة الورثة كافة وأخذ الموافقة المُسبقة والخطيّة”.
وقالت:”تحذير وآخر تحذير قبل الملاحقة القانونية لجميع أهل الفن كباراً وصغاراً وللساسيم الكريمة ولكل مين صاير بيمد إيدو على أغاني فيروز والأخوين رحباني.”
