شنّ عددٌ من رواد مواقع التواصل الاجتماعي هجوماً على الممثلة نادين نجيم، وذلك بعد حلولها ضيفة على برنامج “منا وجر” مع الإعلامي بيار رباط وإجابتها على سؤال “هل النجوم السوريين كسحوا النجوم اللبنانيين؟”، حيث قالت: “أنا أحترمهم ولكنني لبنانية وأتمسك باللبنانيين”.
وردّت نجيم عبر حسابها على “تويتر” على عدد من التعليقات وأوضحت موقفها، وقالت: “أنا قلت بحترمن بس أكيد عاطفتي مع اللبنانية لأني لبنانية متل ما هني كمان، قد ما حبونا مش رح يفضلونا على ولاد بلدن وين الغلط باللي حكيته؟ طول عمري بحكي احسن كلام عن نجوم سوريا ما عم بعرف ليش كبرتوها هل قد؟”.
وردا على تغريدة أخرى قالت نادين: “أنا لم اتبنى هذا الرأي وجاوبت بكل احترام بشكل مختصر وما قارنت حدا مع حدا، قلت بحترمن بس بالنهاية أنا لبنانية واكيد بحد ادعمن ما فتت أصلاً بموضوع مين الأفضل وما عطيت جواب محدد وبالنهاية كل واحد بفسر الكلام على ذوقه، شكراً”.
وفي تغريدة أخرى قالت: “إيه بس بس بلا حكي سخيف، مش شايفين غيري صارلكن سنين بنفس الحكي الفاضي، عنجد إنو 1+1= 5 معكن.. طيب أوك معك حق بس عطينا سكوتك، وايه ولاد بلدي”.
ومن ناحية أخرى، لاقت نادين أيضاً ردات فعل ايجابية كثيرة من قبل محبيها، لبنانيين وسوريين، الذين أشادوا بكلامها وبأدائها.
سبب نجاحها السوريين و هذا الواقع و جحدتهم هيك بكل بساطة و وقاحة قال شو اولاد بلدي ؟؟؟ نعم لكان خليكي قد كلمتك و اتركيهم بحالهم و حاج تركبي على ظهرهم لولاهم و لولا الدلال الاوفر من شركة الصباح ما كان حدا عرفها
— مينيرڤا (@moonkweenn) April 30, 2019
