نعى الفنان السوري مكسيم خليل، عبر فيسبوك، “حارس الثورة” عبد الباسط الساروت، وذلك بعد الإعلان عن مقتله متأثرا بجراح أصيب بها إثر قصف نظام الأسد ريف حماة.
وكتب خليل منشورا قال فيه:
“روح ياساروت ..روح مبسوط ..روح مرتاح ..
روح بطل ..طريق روحك مفروشة بدموع وبحب السوريين يلي عشقو سوريا العظيمة…وحتى بدموع يلي خافو من كلمة حرية…صدقني كانو يسمعو أغانيك وقلبهم يهتف بخوف من جوا معك.. كلمة الحق
بهاد الزمن بجوز بتخوف..بس ما بتْموت ..كلمة الحق بتعيش وبتكبر حتى جوات يلي كذبوها وخونوها وغدروها واستغلوها ..كلهم من جوا بحبوها وبتمنوها..ولما رح ينظلمو رح يتذكروها..
اليوم ما انتهيت يا ساروت …
اليوم تحديداً بلشت قصتك الحقيقية..
قصة “البطل” ..متلك متل وليام والاس..متل روبن هود.. متل عمر المختار ومتل كتااااار من الأبطال يلي ظلمتهم وشوهتهم رواية الطغاة والخوف بالحاضر.. وخلدهم التاريخ بالمستقبل..أبطال عرفناهم وعشقناهم بالأفلام والكتب حاربو الظلم وماتو مظلومين ومقهورين.. بس كانو بالنهاية بطل الفيلم.. وبطل الرواية..
وأنت واحد من أبطال سوريا ..يلي يوماً ما رح تفخر فيك وبأمثالك يلي:
ولله لو كُنت الطاغية ..
لحملت نعشك على كتفي..
وذرفت من دمائك دموعي..
فبرحيلك تُعلن هزيمتي..
ولله لو كنت الطاغية..
لاقتلعت ذاكرتي..
وحضنتك حتى توحّد ذاك الوطن..
حتى تحرر هذا الوطن..
وحفرت أسماءكم على هذا الكرسي..
وأعلنت انتصاري..
انتصاري على نفسي”.
إلا أن مكسيم عاد وحذف المنشور من دون ذكر السبب.
