علق الإعلامي المصري عمرو أديب، على الجدل المُثار عبر مواقع التواصل الاجتماعي، حول اعتبار يوم الأحد المقبل عطلة رسمية بمناسبة رأس السنة الهجرية.
وقال أديب مقدم برنامج “الحكاية”، عبر شاشة “MBC مصر، عبر حسابه على “تويتر”: “هي الخناقة اللي على إجازة يوم الأحد دي مش غريبة شوية، البلد واخدة في آب 14 يوم إجازة، إيه المطلوب أكتر من كدة؟ لما يبقى اسمها سويسرا نبقى نزود الإجازات ونخليها عشرين يوم في الشهر”.
هى الخناقه اللي على اجازه يوم الحد دي مش غريبه شويه البلد واخده في اغسطس ١٤ يوم اجازه ايه المطلوب اكتر من كده لما يبقى اسمها سويسرا نبقى نزود الاجازات ونخليها عشرين يوم في الشهر
— Amr Adib (@Amradib) August 28, 2019
وانقسم مستخدمو شبكات التواصل الاجتماعي ما بين مؤيد ومعارض لكلام الإعلامي المصري، حول مطالبة البعض بيوم إجازة إضافي بمناسبة رأس السنة الهجرية لأنه ربما يوافق يوم من أيام إجازة نهاية الأسبوع.
الناس بتدور على اي فرصة عشان ما تخرجش و تقلل المصاريف سواء المواصلات أو الأكل بره البيت يا بارد
— Ahmed Salama Zanaty (@salama_zanaty) August 28, 2019
والله عندك حق يااستاذ عمرو إحنا أكتر شعب يدور على الإجازات مع اننا اكتر شعب محتاج يشتغل وينتج علشان نذود دخلنا ونعلي اقتصادنا…. لازم يحصل تغيير في طريقة التفكير يا جماعة مصر مش هتنهض لوحدها والحكومة مش هشتغل لوحدها.. اتقوا الله في رئيس الدوله اللي تقريبا مش بينام
— Ayman Sharf (@AymanSharf17) August 28, 2019
يا استاذ عمرو مع إنك زملكاوي بس كلامك صح .. يجب أن تكون الاجازات في مصر العيدين وعيد المسيحين ونصر اكتوبر فقط لاغير….
— وجيه سليمان (@wagih_beargo) August 28, 2019
