IMLebanon

الحسن: “أبشع من الحرايق كانت الشعبوية الفارغة من أي حس وطني”

أشارت وزيرة الداخلية ريا الحسن الى انه “أبشع من النار والسواد والحرايق، كانت الشعبوية الفارغة من أي حس وطني واللي بلشت بتحميل المسؤوليات يمين شمال واستكملت بخطاب طائفي أقل ما يقال فيه “هزلت”، وتابعت “بين حريق وحريق اندلع مبارح شفت أمل ببكرا. وهالأمل تجلى بصورة الناس المتطوعين يللي، كل واحد ع طريقتو، ساهم وساعد من كل قلبو.. ومن كل قلبي ألف شكر لألن”.

واضافت الحسن عبر حسابها على “تويتر”، “بهمّة الدفاع المدني والجيش وقوى الأمن الداخلي وغرفة عمليات ادارة الكوارث والعناية الالهية، قدرنا نطفّي النار مبارح. كانو كلن إيد واحدة. يعطيهن ألف عافية. هنّي أثبتولنا إنّو، إذا ابتعدنا عن الحسابات الضيّقة، بيكون إتحادنا قوّة بتمنع الحرايق من كل الأنواع من إنّو تاكل بلدنا”.