Site icon IMLebanon

بعد ضريبة الـ6$ على “WhatsApp”: “يا حرامية.. باقي تيابنا ما شلحتونا هيي”

استفاق الشعب اللبناني على حلقة جديدة من مسلسل الضرائب بعنوان “الاصلاحات” حيث اقترح وزير الاتصالات محمد شقير فرض 6 دولارات على مشتركي “واتساب” وأخواته، وذلك لرفع ايرادات خزينة الدولة، وسرعان ما عبّر  عدد من الناشطين والفناننين عن استيائهم عبر “تويتر”، مستخدمين وسم “اجا وقت نحاسب”.

وغرد الممثل بسام مغنية، قائلا: “6 دولار اشتراك شهري WhatsApp يا حرامية؟؟؟”


أما حساب عديلة فسألت: “شو عم بيقدمولنا بوجه هالزيادات للضرائب؟ شو قدمولما بس عملوا الـtva  ١١٪ من كم سنة؟ شو اللي تحسّن؟ شو اللي نحل؟ نزل الدين العام؟ تحسن المستوى المعيشي للمواطن؟ تحسنت البنى التحتية؟ نحلت مشكلة الزبالة؟ سيطروا عالحرايق بسرعة؟”

وقالت الفنانة داليدا خليل: “شو عم تعملوا بهالبلد؟؟؟ الله يستر.”

وقال الصحافي طوني أبي نجم: “الحكومة اللبنانية عم تفرض ضريبة عالاتصالات عبر الإنترنت… بالدولار الأميركي.”

بدورها، الاعلامية ليال الإختيار، غردت عبر “تويتر”، بالقول: “صباح الخير. اللبناني يلي بيدفع وحدة من أعلى وأغلى فواتير الاتصالات بالعالم، رح ينزاد على فاتورته رسم ٦ دولار شهرياً لخدمة  واتساب وأخواته بحسب اقتراحات بنود الموازنة الجديدة يلي وافق عليها مجلس الوزراء بالأمس…” وسألت: “دخلكن بعد ما اجا وقت نحاسب؟”

وقال الفنان جو رعد: “اجا وقت نحاسب انفسنا قبل ما نحاسب الاخرين كلو من ايدينا بااكتر الاحيان.”

وعلق أحدهم متهكما: “ال ٦$ بل لبناني ولا على تسعيرة الصرافين.”

وغرد ناشط عبر “تويتر”: قائلا” “باقي تيابنا ما شلحونا هيي حرام تمرق هيك طيب لصوتن مسموع ليش ما بتدعو ننزل كلنا عالشارع ونظل بالشارع.”


وقالت ناشطة: “حتى الخدمات المجانية انحرَم منّا شعبي.”