بعدما اتهمت نائب رئيس “التيار الوطيني الحر” مي خريش المشاهير الذي يشاركون بالاعتصامات بتقاضي الأموال عبر تغريدة على “تويتر”، رد عدد منهم على خريش.
الإعلامي هشام حداد رد قائلًا: صديقتي فينا نعرف أسامي؟ كلّ اللي قالوا إسمي رح ينرفع علين دعاوي، وفي حال عدم نفي صاحب التويت، رح ضمّا للدعوى”.
بدوره، ذكر الممثل وسام حنا فردّ قائلاً “مش صدفة انو توصل sesobel للمكان لوصلتلو بالفترة الأخيرة لو ما حضرتك ما كنت عضو وأمينة سرّ لهالمكان العظيم. هذه الثورة العظيمة أساسها نساء عم بيناضلوا لهالبلد يللي حضرتك ما بتشبهين. نحنا وج لبنان الحلو ما مننشرى ومننباع متل ما انت معوّدة. بتعرفي يا ريت ما رديت عليكي”.
وعلق الاعلامي وسام بريدي قائلًا: “نحنا ناس بدنا ناكل عنب ما بدنا نقتل الناطور، من أوّل نهار وقبل ما تصير هيدي الثورة عم نتوجّه للناس المسؤولين لأنو منآمن انو لازم يكون في مسؤول ولازم المسؤول يسمع صوت الناس، ما بعرف من أي منظور عم تتوجّهي لإلنا انو نحنا مرتزقة ومننشرى ومننباع. الوجع اللي عم نعيشو كلّ يوم وحضرتك كمان عم بتعيشيه وكلّ جمهور الأحزاب عم بيعيشوه، هالوجع مش لأنو في جبران باسيل والرئيس عون ورئيس الحكومة ومجلس النواب، الوجع لأنو نحنا عم نحمل سياسة إقتصاديّة عمرها سنين ولليوم ما عم نقدر نوصل لنتيجة. نزلنا عالطريق لأنو متلنا متل الناس، نحنا من الناس وما بيتصلوا فينا ت نعمل شي، منعرف كتير منيح الوجع اللي عم نعيشو، عيب كل ما حدا عبّر عن وجعو يتخوّن”.
