نشرت الشابة جوانا ترك تدوينة عبر “فيسبوك” نالت تفاعلًا واسعًا حيث بلغ خلال ساعات اكثر من 13 الف اعجاب واكثر من 3500 مشاركة. ونشرت ترك صورة لوالدها وهو يبدو متأثرا خلال احدى التظاهرات خلال الثورة في لبنان، حيث علقت بطريقة مؤثرة عن ظروف هذه الصورة.
وكتبت جوانا: “بعتولي هي الصورة اليوم عم يسألوني اذا هيدا بابا. بس شفت الصورة تفاجأت، دمعت و غصّيت. اي هيدا بيي. ما بعرف شو البوجّع اكتر شوف بيي السبعيني عم يبكي سنين عمرو الضاعت بحروب ما الو ايد فيها، أو على ليالي يركض يخبينا بحرب ال٩٠ من رصاص وصواريخ تصاوب بيتنا اللي لسؤ حظو دفع دم ألبو عليه و طلع على خط تماس اكل حصت الأسد من رصاص و مدافع حتى الصواريخ، ولا على الزّل اللي شافو ليعبيلنا ميّ نشرب بغالونات البلاستيك ولا الخبز الي كان يطلع عينو بالطوابير ليأمنو ولا ولا ولا. او اللي و جعني دموعو على علاء و حسين و كل الابطال اللي ماتو عم بطالبو بحقوقن، و لا وجعو انو ما قدر يأمنلي ولأختي حياة مريحة تمنالنا ياها و تعبلا سنين قبل ما المرض يخلّص على صحتو وجسمو. بيي ما ترك الساحات من أول يوم بلشت في الثورة وليوم بس سألتو ليش كان عم يبكي بالصورة جاوبني بكيت فرح لما شفت لبنان يولد قبل ما موت”.
