أقدم موظف على تحطيم “خبز السلطان” في جونية على خلفية عدم الحصول على راتبه منذ شهر تشرين الأول الماضي.
وكتبت ابنته ساندرا الشاعر سعادة، على حسابها في “فيسبوك”: “البابا صرله 35 سنة بيشتغل بخبز السلطان وصرله من شهر 10/2019 منه عم يقبض، وجايبين محله شاب مصري اسمه باسم بدون وراق متل كل العمال اللي عندهن”.
وأضافت: “صار إلو معهن 18 مليون ليرة. وكمان ما بيعطوه ورقة ضمان ليسحب تعويضه لأنه ما بيدفعوا للضمان حقه”.
وتابعت: “أمي مريضة بالربو، بدها علاج دايم بـ500 ألف بالشهر. صار مكسور عليه 6 أشهر أجار بيت ورح ينزتّ برا”.
وأشارت إلى أن والدها “اليوم نزل (لحتى يشحد مصرياته)، حق ربطة خبز ما معه. بقلو صاحب الشغل “ما معي مصاري، شوف المدير”. نزل لعند المدير سمع بهدلة واستفزاز بالحكي، ساعتها صار المشكل”.
وختمت قائلةً: “نحن مش زعران، نحن بدنا مصرياتنا”.
