ناشدت طالبة الطب اللبنانية جنيفير هليط بمنشور فيسبوكي وزير الخارجية اللبناني نصيف حتي مساعدة اللبنانيين والطلاب المقيمين في فرنسا بالعودة الى لبنان.
وقالت عبر حسابها على فيسبوك: “انا تلميذة طبّ و بتخرّج حكيمة بعد شهرين من جامعة الروح القدس-كسليك، جيت اعمل “stage” ب شهر آذار ب فرنسا و هلء نزربت هون لمبعرف ايمتا.
انا بتكفل اعمل فحص ال”PCR” عحسابي قبل ما فلّ من فرنسا، و آخد كلّ التدابير بالمطار وبالطيارة (متل ما كمان أخدتن وقتا جيت و كنت هون) واحجر حالي لمدّة اسبوعين و ارجع عيد الفحص ، بس ردّوني عبلدي!
انا لازم كون مع عيلتي و رفقاتي بالمستشفى و ساعدن نساعد و نشفي المرضى بهل الوقت الصّعب!
بعرف انو صرختي بتشبه صرخة ايّ طالب غيري مش قادر يرجع كمان! يمكن ما بقا معن مصاري ياكلوا او يدبروا محلّ يناموا او…..
ردّوا الطلّاب ع بلدن اكيد مع فحص و حجر!
بس ردّونا باسرع وقت!”.
