بعد اعتصام أهالي طرابلس والضاحية بسبب توقف أشغالهم جراء الحجر المنزلي بسبب فيروس كورونا، حصل جدال بين الاعلامية في قناة الـotv جوزفين ديب ومراسل قناة الـLBCI مارون ناصيف.
وقد غردت جوزفين عبر “تويتر” قائلة: “صباح الخير لاهلنا في طرابلس والمينا والضاحية الجنوبية. هناك حيث الصرخة واحدة تتخطى السياسة والطائفة، صرخة الجوع. لا يمكن استمرار إقفال المؤسسات الصغيرة والأعمال اليومية دون مقابل. الفقراء سيختارون المخاطرة بالموت من الوباء على موت ابنائهم جوعا”.
ورد مارون بدوره قائلاً: “هيدا تويت شعبوي زميلتي. هيدا حكي الموت من الجوع افضل من الموت بكورونا مبالغ فيه. نحنا مش بزمن الحرب العالمية الأولى. وبعتقد ما في اي تبرير مقبول للتجول وخرق القرارات لنحمي لبنان كل لبنان. الأكل منو شي قدام المرض والموت من المرض وعذاباتو. وما حدا مقطوع من شجرة وفاعلي الخير كتار”.
لترد جوزفين على رد مارون قائلة: “سهل عليك تتهمني بالشعبوية لانه مأمنلك كل شي متلك متل كتار مش قادرين يصدقوا انه مبلا في ناس بناموا جوعانين. انا بعرف شو يعني الواحد ينام جوعان. تجربتي بالحياة بتخليني افهم كيف يعني الناس تنام جوعانة وتخاف على ولادها من الجوع. يلي مأمنله سقف واكل مش متوقع يفهم العالم الجوعانة. انتهى”.
