بعد توقّف تصوير المسلسلات الدراميّة في لبنان في الأيام الماضية بسبب إنتشار فيروس كورونا، باتت هذه الخطوة تهدّد الأعمال الرمضانيّة إذا لم يُستأنف التصوير لإستكمال المشاهد المُتبقية.
في سياقٍ متصل، أطلق نجوم التمثيل في لبنان هاشتاغ “لازم نكمل تصوير”، وإليكم أبرز التغريدات: “غرّدت الممثلة ماغي بو غصن: “شركات الإنتاج خفضت عدد فريق العمل وعملت فحوصات كورونا للكل وحجرت الفريق بفندق كل فترة التصوير بإشراف فريق طبي للتعقيم ومتابعة الحرارة كل يوم. شو بيمنع إنو نرجع نصور متل ما صار بالإمارات ومصر؟ آلاف العائلات عم تعيش من ورا هالقطاع. لازم نكمل تصوير”.
أمّا الممثلة سيرين عبد النور فتساءلت “شو بيمنع نرجع عالتصوير طالما شركات الإنتاج اللبنانية نفذت كل الشروط الصحية لتحمينا وتحمي فريق العمل بإشراف فريق طبي متخصص وحجرت كل الفريق بفندق والكل أجرى فحص الكورونا. لازم نرجع نصور مع اتباع أدق الشروط الصحية”.
كما شاركت دانييلا رحمة في حملة المطالبة باستئناف تصوير المسلسلات “بما إنو الفريق كلو ملتزم بيتو من ٣ اسابيع وعملنا فحص كورونا من كم يوم ورح ننحجر بمكان واحد، عندي ثقة بالتدابير الدقيقة اللي عم تاخدها شركة الانتاج وبظنّ منصير قادرين نصور ونكون محميين. يمكن أعمالنا تغير جو للناس بهالظروف الصعبة والحجر”.
وقالت الممثلة كارمن لبس في الإطار عينه “وجهة نظر وما تفهموني غلط: اذا كممثلين وطاقم التصوير حجرنا حالنا بأوتيل وعملنا فحص كورونا مع تعقيم أماكن التصوير، وما صار اختلاط مع غيرنا، وين المشكلة اذا منكمل تصوير؟ لأنو المنتجين والطاقم الفني ونحنا رح نتضرر كتير اذا الأعمال ما بتتسلم”.
وأطلق الممثل مازن معضم تغريدة جاء فيها “المسلسل مش بس ممثلين. في فنيين وعاملين كتار بينطروا المسلسل لحتى يسترزقوا. وطالما شركات الإنتاج اخدت كل التدابير والاحتياطات اللازمة وعملت حجر لكل الفريق بفندق مع فحوصات الكورونا. فما بيمنع انه نرجع على التصوير بأسرع وقت مع اتباع الشروط الصحية”.
وكتبت الممثلة رولا شامية “انا بنت بهالمهنة وبعرف شو يعني لما تكون شركات الانتاح ملتزمة بتسليم حلقات عالموعد، وبدعم صرخة زملائي بالسماح الن يكفوا تصوير مسلسلاتن، اكيد من بعد اخذ كل الاحتياطات الواجبة”.
وقال الممثل عبدو شاهين “لازم نكمل تصوير لنخلق بسمة وأمل بكل بيت. خليك في البيت ونحنا رح نعمل كل الاحتياطات اللازمة ونكون ضيف خفيف بكل بيت”.