توجّه النائب السابق سامر سعادة إلى وزيرة الطاقة والمياه السابقة ندى بستاني، عبر “تويتر”، قائلا: “على أساس الدولة أصبحت شريك بالقطاع، واستوردنا بنزين بسعر أغلى من السوق (zr energy)، حتى ما ينقطع البنزين ويوقف المواطن بالطوابير على المحطات؟ خلّيني خبّرك، البنزين انقطع، والمواطنين بالطوابير على المحطات! شو القصة”؟
فردّت بستاني قائلةً: “سعادة النائب. بحبّ ذكرك إذا كنت عايش بلبنان إنّو الحكومة يللي كنت وزيرة فيا انقبلت استقالتها. وهلق في حكومة جديدة ووزير جديد. عكل حال مش بس مغلّط بالتاريخ وكمان مغلّط بالمعلومات. بنصحك ترجع للأرشيف وتتأكد من أرقامك”.
وأتى الرد مجددًا من سعادة الذي قال: “معاليك، أرقامي كلها مظبوطة، حضرتك استوردتي البنزين بسعر أغلى من السوق، هيدا أصبح مسلم فيه، بالرغم من كل محاولات التضليل. أما إنه الحكومة مستقيلة، لازم تقنعي حالك، لأن من وقت ما استقالت، عم بتجربي تتصرفي كوزيرة حالية، وعلى كل حال بتضلك مسؤولة. أما ما بالنسبة، ما في أزمة بعد اليوم”؟
إلا أن بستاني أكملت مسلسل الأخذ والرد فقالت: “لو جرّبت إتصرّف كوزيرة متل ما عم تدّعي بيبقى التوقيع بإيد الوزير الحالي. وشو ما حاولتوا بالقوّة تحملوني المسؤولية بتبقى الحقيقة واضحة وهيي إني استوردت البنزين بسعر أرخص ووقفت أزمة كبيرة بين تشرين وكانون، إلّا إذا بدّك كفالة مدى الحياة. عفكرة حضرتك عم تلعب دور نايب حالي أو سابق”؟
وردًا على ذلك، تساءل سعادة: “يعني فليتي وأخدتي خططك معك؟ إذا هيك ما تواخذيني، ما بدي فوت بمشاكل الوزراء/المستشارين. لا يا معالي وزيرة الطاقة السابقة، عم إلعب دور المواطن لي ما عنده بنزين، وعايش على العتمة. اللي استحوا ماتوا”.
