نشر الشاب جيلبير قرعان صورا لخطيبته الشهيدة المسعفة في فوج إطفاء بيروت سحر فارس عبر حسابه على “انستغرام”، ونعاها قائلاً: “عروستي الحلوة، كان عرسنا ب ٦/٦/٢٠٢١ ، عم تزبطي بيتك على ذوقك ونجيب غراض ونحضّر، انت ترقيتي بسرعة بالفوج وصرتي شهيدة برتبة وطن، عرسك بطّل ب ٦/٦/٢٠٢١ صار بكرا يا عيوني، كلشي كان بدك ياه حايكون موجود الاّ شوفتي فيكي بالفستان الابيض”.
وتابع: “كسرتيلي ضهري يا روحي، حرقتيلي قلب قلبي، راحت طعمة الحياة مع غيابك عني، الله يحرق قلبو يلي حرمني منك ومن ضحكتك ومن حنيتك يا روحي انت، بحبك وحا ضل حبك حتى صير معك ونكفي مشوارنا”.
يذكر ان سحر هي ابنة القاع، وقد استشهدت في مرفأ بيروت، بعدما حضرت مع 9 من رفاقها من فوج إطفاء بيروت لإطفاء الحريق الذي سبق الانفجار الكبير في مرفأ بيروت.
