أحدث الفنان زين العمر ضجة عبر مواقع التواصل الاجتماعي بعد اعلانه عبر “تويتر” عن “تخليه عن ولائه لزعيمه.”
وقدّم العمر اعتذاراً للشعب اللبناني عن تأييده لحزب “التيار الوطني الحر” وعن دفاعه عن رئيس الجمهورية ميشال عون.
وقال الفنان عبر “تويتر”: “كل من يخونني هو خائن.. أنا زعيمي وسيدي الوحيد هو السيد المسيح زعيمي هو وطني وشعبي الموجوع الشهيد فقط… يلا انقبروا على بيوتكن الله يزلكن متل ما زليتو شعبنا.. تفه عليكن استحوا يللي استحوا ماتوا”.
“ما بقا حدا يقلي تسويات أو حرب أهلية إنقبروا بقا شبعنا دم شبعنا من قرفكن شبعنا من إجرامكن لك العما بقلوبكن كيف بتفهموا كلامي موجه للجميع أوعا حدا يفتح تمّو أوعا سرقتوا أحلامنا سرقتوا دموعنا سرقتوا ضحكاتنا اوعا حدا يفتح نيعو فينا شرف أكبر من كل زعمائكن قشة لفة”.
“لك خلصنااا بقا خلصنااا ما بقا حدا يحكيلي أشعار اوعا بعد حدا يقلي زعيم أنا زعيمي هوي لبنان فقط إجر ولادي بتسوا أكبر زعيم يللي مش عاجبو حديثي يفل أنا طائفتي الشعب فقط تفه علينا كلنا شو عملنا بحالنا اوعا بعد حدا يقلي زعيم انا لبناني بس عذرا يا وطني وشعبي اذا جرحتكم يوماً”.
