أعلن المخرج والناشط لوسيان بورجيلي عبر مواقع التواصل الاجتماعي الخاصة به عن توقيفه لساعات اليوم من قبل الجيش في حاجز ببدارو للعثور بسيارته على بالونات صغيرة تحتوي على البويا، بالاضافة الى صور وشعارات مناهضة للحكومة.
وقال بو رجيلي: “تم اطلاق سراحي الأن بعد توقيفي ساعات اليوم من قبل الجيش لوجود بالونات صغيرة (داخلهم دهان بويا) وشعارات مناهضة للحكومة بصندوق السيارة على حاجز ببدارو.
صراحة حسيت كل شي صار معي خرج مشهد سوريالي بشي فيلم… في ناس بهالبلد ماشيين بالشوارع بالاسلحة الحربية والسلاح متفلت والحدود مفتوحة والتهريب ماشي على عينك يا تاجر… ونحن بالمقابل عم نتوقف كرمال بالونات بويا صغيرة بالصندوق وشعارات ضد اللصوص الحاكمين.
شكراً للمحامين المتطوعين (نرمين سباعي، واصف الحركة وجاد طعمة) يلي لولا حضروهم كنت بعدني موقوف لهاللحظة ويمكن اكتر…”
وختم: “للضابط (يلي بالاخر هو مأمور) يلي قلي “انا فيي وقفك عهالشعارات يلي بالصندوق ولازم تشيلهم من الصندوق”…
عزيزي هالشعارات على رأس السطح حاملينهم وبكل المناسبات… ومش كرمالنا بس… كرمالكم الكم كمان… كلنا منهوبين هون.. والناهبين معروفين!”
