ابنة أحد ضحايا المرفأ تسأل: “ليش بابا ما إجا على عيدي؟”

وجّهت زوجة المهندس الشهيد جاك ضو، الذي قُتل في انفجار مرفأ بيروت، رسالة له عبر “فيسبوك”، بمناسبة عيد ميلاد ابنتهما.

وقالت في المنشور: “ليش بابا ما إجا على عيدي؟” هيدا كان سؤال بنتي ريتا بيوم عيدا الرّابع أوّل عيد من دون بابا جاك يلي اغتالو المجرمين بمجزرة مرفأ بيروت. وهيّي يلّي انكتبلا عمر جديد بعد إصابتا بالانفجار. حدا منكن يا سلطتنا الفاسدة يجاوب بنتي على سؤالا ويقلاّ كرمال مين وليش مات البابا…كان حابب يعيّد معِك كتير سنين وتِكبَري ويشوفك عروس… بسَ إذا ما في عدالة بالارض وين رح تهربو من عدالة ربّنا هوي رح يجازي كل شخص حرم ولادي وولاد كتار من حنان وحب بيّاتهن… بابا بعيّدِك من السّما وبقلّك ما تزعلي أنا ملاكك ودايما حدّك وما بتركِك “يا حبيبِة قلبو لجاكو”.