أظهر فيديو مسرب من لقاء مرشح “حزب الله” النائب حسين الحاج حسن، مع احدى العائلات الكبرى في مدينة بعلبك، حيث إقتصر الحضور على المختار محمد عواضة وعدد قليل من عائلته، حالة الاستعلاء وعدم مبالاة الحاج حسن بكلام المختار، الذي أتى ليبلغه أنهم سيقاطعون الانتخابات رغم أنهم مع الخط، الأمر الذي دفع بالحاج حسن الى تهديد المختار، قائلا: ” إذا إنت مع الخط ما لازم تقاطع وإذا بدك تقاطع يعني هيدا مش خطك”.
وقال المختار: “نحنا بدنا حقنا…نحنا مقصرين معكن شي؟ اذا مقصرين قولولنا..او إنتو بتكرهونا…؟. “نحنا النا وجودنا وانتو لغيتونا…صرنا نشكك بحالنا ما عنا دكاترة ما عنا مهندسين ما عنا مثقفين…ليش هيك عم تتعاطوا معنا ونحنا حاطين كل وراقنا عندكن؟ …نحنا ٣/٤ عيلتنا واكتر مقاطعين الانتخابات وانا كمختار مقاطع”.
وسأل: “هل نحنا عنا مرجعية بالبقاع؟ نحنا اذا بدنا ننقل عسكري بتقدروا من دون ما تراجعوا بيروت؟ اذا بتقدروا جاوبني؟ نحنا منحبكن ونحنا هيدا خطنا…”.
وتابع المختار منفعلا بهدوء:”نفس السيرة من الـ2018، يلي بهمني كرامة عيلتي يلي هي فوق الدني كلها”.
