عبّرت الفنانة اللبنانية رزان جمال عن إعجابها الكبير بأداء مواطنها نيكولا معوض لشخصية “كرم” في مسلسل “الثمن” الذي يُجري عرضه حالياً ويحقق نجاحاً كبيراً. وانتهى حضور شخصية “كرم” التي يؤديها نيكولا في العمل بسبب إصابته بمرض السرطان حيث خاض “كرم” رحلة علاج طويلة وأخفى وضعه عن عائلته وأصدقائه حتى تدهورت حالته وتوفي.
ونشرت رزان صورة وردة بيضاء عبر حسابها الرسمي على موقع التواصل الاجتماعي “انستغرام” وقالت في رسالة لزميلها نيكولا معوض: “ألف مبروك لصديقي وزميلي نيكولا معوّض! أنا بهنّيك على تجسيدك الرائع لشخصية كرم.. بعرف قدّيه كان صعب عليك متل ما كان صعب عليّي التعامل مع هيدا المرض قدّام الكاميرا، خصوصاً إنّه تنيناتنا تعاملنا معو بحياتنا ورا الكاميرا.. بدّي إتمنّالك حياة مليانة صحّة وسعادة ونجاح لإلك ولعايلتك! كلّ الحبّ والتّقدير لموهبتك الرّائعة! بتمنّى نرجع نتلاقى قدام الكاميرا بعمل سوا قريباً. كلّ التّوفيق”.
ولم يتأخر نيكولا في الرد على كلام رزان حيث علّق على الصورة التي نشرتها: “ما بعرف يا رزان شو بدي قلك وكيف بدي عبر لك عن امتناني.. مش بَس لَكلامك الرّائع هَلَق يلي ما بيقدر غير يفوت عالقلب ل أنّو طالع من قلبك الحلو النضيف بمجال للأسف صارت القلوب فيه بعيدة كل البعد عن النضافة .. ولا لموهبتك و حضورك يلي بيذكروا بنجمات زمان. عن امتناني لدعمك ورا الكاميرا .. لكل مرّة حكيتيني فيها لتطمني على صحتي النفسية من بعد يوم مشاهد “كانسِر” طويل وكل مرّة ذكرتيني فيها قديه لازم اهتم بصحتي النفسية والجسدية.. لسؤالك الدايم عني و إهتمامك الدايم بإنّي كون “منيح” حَتَّى وقت انا ما كنت فكر بحالي. كتير “ممنون” انو ها لمسلسل عرَّفنا عا بعض”.