ما حدا استفاد من انهيار نظام الأسد بهالفترة بالذات على قد إسرائيل.
3 مكاسب حققتن إسرائيل بانهيار النظام السوري:
المكسب الأول: السيطرة على أعلى نقطة بجبل الشيخ وهوي أعلى جبل بالشرق الأوسط ويلي بيكشف على العمق السوري واللبناني.
فأصدر رئيس الوزراء الإسرائيلي بنيامين نتنياهو تعليمات للجيش بالاستيلاء على المنطقة العازلة مع سوريا والمواقع القيادية المجاورة الها.
وطلع الدخان الأبيض لاحتلال منطقة جبل الشيخ وإنشاء منطقة عازلة تحت حجة ضمان عدم سيطرة جماعات مسلحة أو إرهابية عليها
المكسب التاني: تدمير القدرات العسكرية لنظام الأسد
بأيام معدودة أغار الجيش الإسرائيلي على 300 هدف بسوريا، وأعلن إنه تم تدمير نحو 80% من القدرات العسكرية لنظام بشار الأسد.
بالإضافة لتدمير الاسطول السوري بشكل كامل تحت حجة منع وصول قدرات الأسطول والمعدات العسكرية لأيدي الفصائل المسلحة.
المكسب الثالث: قطع الطريق على امداد الحزب مجددا بالسلاح
فجبل الشيخ بطلّ من ميل على سوريا وتاني ميل على كل جنوب لبنان وسلسلة جبال لبنان الغربية وسهل البقاع، يعني المناطق الأساسية لوجود الحزب.
هالجبل يلي كان مغطى عمليات وتحركات كتيرة، كونو ما بيحتوي على رادارات مراقبة، اليوم بطل قادر يحمي الحزب وتحركاتو من بعد ما تم احتلالو من إسرائيل.
يعني إسرائيل حاصرت الحزب من كل الجهات، وعينها على كل تحركاتو عالحدود بلبنان وسوريا كمان. فهل رح تتنازل إسرائيل عن جبل الشيخ من بعد ما قدرت تسيطر عليه بسهولة؟
View this post on Instagram