مبروك للعماد جوزاف عون رئاسة الجمهورية.
من بعد سنتين من الفراغ الرئاسي، قدر لبنان، بمساندة الخارج طبعا، من انتخاب رئيس سيادي.
ب 99 صوت خلال الجلسة الثانية قدر عون يوصل للرئاسة.
أكيد مش كل الكتل كانت بترغب بوصول عون، والثنائي الشيعي ونواب التيار وأطفال المجلس حطوا العصي بالدواليب خلال الجلسة الاولى. بس يبدو انو الدخان الابيض العربي والدولي طلع بانتخاب رئيس هلّق للجمهورية اللبنانية.
الأمل اليوم بالرئيس الجديد كبير والحمل أكبر كونو نجح بقيادة الجيش اللبناني بالسنوات الصعبة اللي مرت علبنان من ثورة، لانهيار مالي، وأمني وحروب.
مبروك للعماد عون، هالاسم يلي اتأملنا منو بالماضي كتير وراح حلمنا سدى، على أمل عمادنا لجديد يلتزم بكلمتو الاولى يلي اتلاها بمجلس النواب. بدءا بتعهدو بحق الدولة باحتكار السلاح، وصولا لمنع التدخل بالقضاء ووضع حد لتبييض الاموال والمخدرات والمافيات، وحماية الحدود جنوباً وترسيم الحدود شرقاً وشمالاً، واعادة المخيمات لسلطة الدولة اللبنانية.
يعني من بعد هالكلمة حقن صراحة يعتلو هم كل الشباب يللي كانوا خايفين…
عهد جديد… وصفحة جديدة… وان الله راد لبنان جديد
