أطلقت متاجر وول مارت الأميركية، نسخة بتشبه كتير حقيبة هيرميس “بيركن”، وسمّتا “ويركن”، وهالأمر خلق بلبلة كبيرة بين عشاق الموضة، خصوصا على تطبيق تيك توك.
بالوقت يلي حققت في هالحقيبة الجديدة، يلي بيتراوحو أسعارا بين 60 و300 دولار، نجاح كبير وصارت sold out بالمتاجر.
أما أسعار حقيبة بيركن الأصلية، فبتبلّش من 10 آلاف دولار وبتوصل لملايين الدولارات.
والأكيد إنو هيرميس ما رح تسكت عالموضوع… فأعلنت مجلة WWD للأزياء، إنو الشركة رح تتخذ إجراءات قانونية بتهمة انتهاك الحقوق التجارية والتصميمية.
وعام 2012، نجحت الشركة الفرنسية بقضايا قانونية ضد مقلدي تصميمات الحقيبة… وحصلت على تعويضات بلغت 100 مليون دولار ضد مواقع كانت عم تبيع منتجات مقلدة للبراند.
فهل رح تنجح هالمرة كمان… أم رح تكتسح حقيبة “ويركن” الأسواق العالمية؟
View this post on Instagram