جحيم حقيقي عم يعيشو سكان لوس أنجلوس، بسبب الحرايق المدمرة يلي اجتاحت المدينة الأميركية، وأدت لمقتل العشرات، هيدا غير المفقودين يلي بعدو مصيرن مجهول.
أما الخسائر المادية، فهائلة، وبتشير التقديرات إلى إنا بلغت نحو 275 مليار دولار، الأمر يلي بيجعلا واحدة من أسوأ الحرايق بالتاريخ الحديث، وربما الأكتر تكلفة.
فهالحرايق قضت على مساحات شاسعة ودمّرت حوالى 12 ألف بيت ومبنى، وأجبرت السلطات على إخلاء أكتر من 100 ألف شخص.
وأكتر من 6 ملايين نسمة بالمنطقة، ما زالوا تحت التهديد، خصوصًا مع استمرار الرياح الشديدة.
بس السؤال هون، ليش اندلعت العديد من حرايق الغابات بالوقت نفسو تقريبا؟
خبراء الأرصاد الجوية حذروا لأيام قبل اندلاع الحرايق الأولى، من إنو الخطر رح يكون مرتفع كتير.
فالغطاء النباتي تحوّل لمادة قابلة للاشتعال بعد أشهر من الجفاف هيدا العام.
وبيتزامن الطقس البارد مع وصول رياح ناشطة، وهي هبات قوية وجافة مصدرا الجنوب الغربي، أي من نيفادا ويوتا لجنوب كاليفورنيا، وبترتبط بالحرايق الأكتر تدميراً بالمنطقة.
ورغم تفسيرات الخبرا… إلا إنو البعض عم يرجّح فرضية الحرايق المتعمدة.
