من بعد الضجة الكبيرة يلي حققا مسلسل squid game على منصة Netflix، انتشرت معلومات بتأكد إنو القصة مستوحاة من واقعة حقيقية حصلت بالتمانينات بكوريا الجنوبية، وتحديدا بمكان إسمو brothers home، وهو معسكر لإعادة التأهيل، وصلت ضحايا ل٥٠٠ شخص، أغلبن من الفقرا، انخطفوا من الشوارع، وانجبروا يبقوا في بعيد عن العالم وبزيّ موحّد، ويقوموا بمهام شاقة وصعبة، وكانت التم معاملتن بطريقة وحشية.
وإزا هالأشخاص فشلوا بمهمتن أو حاولوا يهربوا، فكانوا يواجهوا مصير ممثلي “لعبة الحبار”، وهو الإقصاء.
ومن حوالى ٥ سنوات، نشرت bbc تقرير، كشفت في عن الجرايم غير الإنسانية يلي كانت تصير داخل هالمكان.
ورغم تشابه قصة المسلسل والمعسكر، من ناحية إستغلال الفقر والقتل، إلا إنو كاتب squid game نفى هيدا الترابط، وأكد مرارا إنو كلّو من خيالو، ومستوحا من التفاوت الطبقي بكوريا الجنوبية.
وإنتو شو رأيكن… هالمسلسل حقيقة أم خيال!؟
