في ناس هيك استقبلو الجيش اللبناني (فيديو الشتم) وفي ناس نطرو حماية الجيش تيقدرو يفوتو عبيوتن ببلدة حوش السيد علي على الحدود اللبنانية السورية.
هالشتامين يلي عم يتهمو الجيش اللبناني بالعمالة للأسف، عايشين عأمجاد الماضي، وبعدن مصرين يستعملو القوة والسلاح الغير شرعي وما يلتزموا بقوانين الدولة والدول كلها كرمال مصالحن ويفوتوا حالن واللبنانيين ككل بحروب ما الن فيا.
لبنان علقان بين جبهتين: جبهة جنوبية مع إسرائيل، وجبهة شرقية مع سوريا. وعلى الجبهتين، الجيش اللبناني انتشر وأثبت للأهالي وللدول انو الدولة اللبنانية قادرة وحدها تحمي أرضها وشعبا.
الجيش أثبت انو هو الحامي الوحيد للوطن وسلاحو كافي لحماية اللبنانيين. بهالوقت أكد وزير الخارجية يوسف رجي، أنو نص اتفاق وقف إطلاق النار بين لبنان وإسرائيل واضح وبحدد المجموعات المسموح الها حمل السلاح، بس حزب الله بعدو عم يتهرب من تطبيقو.
كلام وزير الخارجية اجا بعد ساعات على كلام المبعوث الأميركيّ للشرق الأوسط، ستيف ويتكف، يلي ابدى استياء واشنطن حول أداء المسؤولين اللّبنانيين بالتعامل مع حزب الله، واعتبر انو “أسلوب الالتفاف وتدوير الزوايا ما حقّق المطلوب.
طالما سلاح الحزب موجود ما في إمكانية لفتح صفحة جديدة بلبنان، والطابة اليوم بملعب رئيس الجمهورية والحكومة يلي علين انن يفرضوا عالحزب الالتزام بالاتفاق يلي الحزب بالمباشر، وعبر الرئيس نبيه بري، فاوض ووقع عليه
View this post on Instagram