وكأن اللبنانيين نقصن هموم ومواضيع جديدة يعتلو همها مع الاشتباكات عالحدود اللبنانية السورية واللبنانية الاسرائيلية تيجي هلق اقتراح تعديل قانون الانتخابات النيابية تيشغلن بالن ويخلين يعملو حساباتن، مش السياسية هالمرة، بل الطائفية.
البعض وصف توقيت الطرح بغير البريء من قبل فريق الرئيس بري واعتبر انو الثنائي عم يلحق حالو بتمرير هالقانون تيضمن حالو بالانتخابات من بعد خسارتو بالميدان.
النواب المسيحيين انتفضوا واجمعوا على انو مضمون طرح النائب علي حسن خليل بشكل خطيئة متعمدة بحق اتفاق الطائف فهوي بناقض اتفاق الطائف والضرورات التمثيلية اللي بيستند عليها النظام السياسي اذا تم اعتماد الدائرة الواحدة.
والأهم هوي السؤال: ليه دايما كل ما يكون الثنائي محشور بيطلّعلنا أرنب الغاء الطائفية السياسية وأرنب تعديل قانون الانتخابات بشكل بيلغي التمثيل الصحيح؟ ولأيمتى رح يستمر الثنائي بمحاولة التعويض داخلياً وذرّ الرماد بالعيون عن خسارة محورهن اقليميا؟
نغمة الثنائي ما مرقت هالمرة، هل رح يلاقوا تهريبة تانية لمواجهة مطلب تطبيق القرارات الدولية وتسليم سلاح الحزب؟
View this post on Instagram