من بعد ما لاقت انو خطاب التصعيد بوج واشنطن ما رح ينفع، أعلنت إيران انفتاحها على إجراء محادثات غير مباشرة مع الولايات المتحدة من بعد ما وجّه الرئيس الأميركي دونالد ترامب إنذار نهائي للتوصل لاتفاق نووي جديد.
لو ما صعّد المرشد الإيراني علي خامنئي بمواقفو وقبل بالتفاوض مع واشنطن من أسابيع كان وفّر على حالو وعلى الحوثيين باليمن الكتير.
ضروري كان يتصفى قياديي الحوثيين كرمال يقبل خامنئي بالتفاوض؟ هلّق بحسب ما كان قايل خامنئي من كم يوم انو تهديدات واشنطن لإيران ما رح تنفع وما رح يحققوا شي منا. بس يبدو انو حققو الكتير:
أولا: تم تصفية قياديي الحوثيين ومصانع أسلحة وبالتالي اضعاف جبهة الاسناد من اليمن/. يعني ايران اليوم بالفعل صارت وحيدة بمعركتها من دون أي جبهة اسناد يُتكل عليا ولو بحرب صغيرة.
تانيا: ايران رجعت أعلنت قبولا بالتفاوض وعبارة غير مباشرة ما بتلطف وما بتحمي تراجع طهران عن قرارا السابق
ايران اليوم بأسوأ وضع من الـ 1979 من بعد تدمير حزب الله وحماس ودفاعات سوريا. هل رح تتراجع عن برنامجها النووي وتلتزم بشروط ترامب أو رح تخاطر وتفوّت حالها والمنطقة بحرب بطّلت قدا؟
View this post on Instagram