الأمين العام لحزب الله نعيم قاسم طل علينا وبعدو عم بشيد بالانتصارات، بوقت الاستهدافات الاسرائيلية بعدا عم تطال أي تحرك لحزب الله داخل الأراضي اللبنانية.
قاسم يلي تشكر ايران على دعمها المادي والمعنوي والسياسي واعتبر محور المقاومة «مدين لإيران» أحرج بكلامو ايران نفسا يلي كل فترة بتنفض ايدا من حلفاءها. فالمرشد الايراني علي خامنئي أكد من كم يوم انو ايران ما عندا وكلاء، وكل طرف من هالمقاومة هوي بياخد قراراتو وبخوض حروبو.
الازدواجية بخطابات الامين العام المستجد محيرة الكل، ضمنن جمهور الحزب، ساعة بطل وبقول هني خلف الدولة وساعة المقاومة حاضرة وعم تتحرك.
تذكير صغير: الحزب وافق على وقف اطلاق النار وتطبيق اتفاق 1701 بكل مندرجاته، وأي تصعيد بالكلام خارج هالاتفاق ما في قيمة الو.
واتركوا الدولة اللبنانية تعمل شغلا وتلملم خسارتكن بالحرب الاخيرة يلي كلفت اللبنانيين الكتير.
View this post on Instagram