قلنالك نهر التيار رح يجرف ادعاءاتك، واذا ماشفت عالارجح وصلولك، قلنالك الكلمة الفصل على لسان رئيس التيار. واذا ما سمعت اكيد قالولك، وبعد اسبوع من النكران صارت الحقيقة واضحة، والعد ما عاد بفيد، فيما الاعتذار فهو من يللي توهمو باسقاط التيار وفشلو. أما هلأ فصار الوقت ليخلص هالجدل ونفتح معك ومع الكل صفحة جديدة من التعاون كرمال لبنان.
مدينا الايد وناطرينك تلاقيا وتلاقينا ضمنا كل الوجوه الجديدة اللي بتجتمع معنا على التغيير قبل ما يفوت الاوان ويصير من بعدو كل كلام بلا جدوى ولا منفعة على اللبنانيين. فالاستحقاقات كتيرة وبتطلب الفعل اكثر من القول وهو أمر أكد عليه رئيس التيار الوطني الحر جبران باسيل خلال كلمة تميزت بالواقعية باحتفال الانتصار يللي جمع انصار التيار من كل لبنان.
باسيل يللي اكد على اتجاه لتقديم الطعون قارب موضوع الارقام بواقعية مشدد اعلى ان حجم التكتل تراجع لاسباب عددها اما نواب التيار الملتزمين فارتفع من 13 الى 17 لتبقى ثابتة ان الكتلة والتكتل هني الاكبر في مجلس النواب ورح يكبرو.
وبالسياق كان لا بد من واضع الحروف على نقاط المرحلة المقبلة والتأكد من جديد على ثبات التيار في نضالو المؤسساتي كما في نضالو الشعبي يللي بلش مع العماد عون بال 88 واستمر حتى اليوم وما بعدو.
وبالحديث عن النضال المعركة بلشت اليوم بمفصل جديد عناوينو عريضة واولها تعرية الكاذبين واحقاق الحق وصولا الى نهضة لبنان على الصورة يللي اردناها. وبكلمتو اليوم صوب باسيل السهام على كل الخونة ، والغدارين وذكر بمصير بعضهن يللي انتهى بالسقوط ، كما اعاد تبيان الكذب والنضليل يللي ووجه فيه. اما قانون الانتخابات فأكد باسيل التمشك فيه والاستعداد لتحسينو مع العمل بالميغاسنتر وانتخاب المغتربين. كتيرة هي المواقف المتفجرة والثابت الوحيد انو مفاجأة اليوم تبقى في الحضور يللي شكل صدمة ايجابية لببنانيين الصادقين، وصدمة سلبية للكارهين المرتبكين، اما الغد فلناظره قريب.